| 1 | Grande est quod petimus, sed ab eo cui Dominus inaudita et admiranda concessit, ab eo cuius clementiam novimus, et obsidem pietatem tenemus. |
| 2 | Unde plus exspectare nos confitemur; quoniam ut te virtute vicisti, ita etiam tua te vincere debes pietate. |
| 3 | Victoria enim tua antiquo more vetustisque miraculis, qualis sancto Moysi, et sancto Iesu Nave, et Samueli, atque David, non humana aestimatione, sed coelestis gratiae effusione tibi collata censetur: hic pietatem aequalem poscimus, cuius merito tanta victoria ipsa quaesita est. |